Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.30

EUR 69.41

24 февраль, Дүшәмбе

Уфа   °

9 майға идеаль тәртип: торлаҡ-коммуналь хужалыҡ республикала Эстетика йылын ғәмәлгә ашыра башланы

Иҡтисад

ӨФӨ, 2020 йыл, 23 ғинуар. /«Башинформ» мәғлүмәт агентлығы/.

Башҡортостанда Тораҡ пункттар эстетикаһы йылының тәүге маҡсаттарының береһе – 9 майға идеаль тәртип булдырыу, тип белдерҙеләр Торлаҡ-коммуналь хужалыҡ министрлығында. Бынан тыш, быйыл Бөтә донъя фольклориадаһын уҙғарыу өсөн ыңғай мөхит булдырыу мөһим.

Дүрт төп йүнәлеш һайланған: газондар эшләү, тротуарҙарҙы тәртипкә килтереү, урамдарҙы яҡтыртыу, ҡоймалар ҡуйыу, дөйөм алғанда, ҡасабаларҙың тышҡы күренештәрен берҙәм стандартҡа килтереү.

Муниципаль һәм шәхси предприятиелар биләмәләрҙе йыйыштырыу һәм төҙөкләндереү буйынса мәсьәләләрҙе берлектә хәл итергә тейеш.

Урындағы төҙөлөш материалдарын файҙаланырға кәңәш ителә: бының өсөн республика етештереүселәре (бәләкәй архитектура формалары, шаҡмаҡлап ваҡланған таш, бордюрҙар, плитка, резина япма, яҡтыртҡыстар) каталогы әҙерләнгән. Февралдә уларҙың күргәҙмәһе ойошторола.

Ҡоймаларҙы биҙәүгә килгәндә, властар төбәктең һәм урындағы биләмәләрҙең милли традицияларға таянырға тәҡдим итә.

Башҡарылған эш тураһында отчет өсөн махсус форма индерелә. Уға төҙөкләндереү буйынса башҡа программаларҙан саралар индерергә ярамай. Программаны тормошҡа ашырыуҙы һәм уның этаптарын республика башлығы ҡарамағындағы Контроль идаралығы хеҙмәткәрҙәре теркәп бара.

http://www.bashinform.ru/news/1404707-idealnyy-poryadok-k-9-maya-zhkkh-pristupilo-k-realizatsii-goda-estetiki-v-bashkirii/

Яндекс цитирования
Рейтинг ресурсов "УралWeb"
закрыть