Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.30

EUR 69.41

25 февраль, Шишәмбе

Уфа   °

Республикала тәүге тапҡыр ҡатын-ҡыҙ район башлығы итеп тәғәйенләнде

Йәмғиәт

ӨФӨ, 2020 йыл, 21 ғинуар. /«Башинформ» мәғлүмәт агентлығы, Азат Ғиззәтуллин/.

Бөгөн Зөһрә Гордиенко Ҡыйғы районы хакимиәте етәксеһе вазифаһына тәғәйенләнде.

Ул – республикала муниципалитет башлығы итеп тәғәйенләнгән тәүге ҡатын-ҡыҙ. Урындағы совет депутаттарын уның кандидатураһы менән Башҡортостан башлығы Радий Хәбиров таныштырҙы.

«Зөһрә Мәүлитбай ҡыҙы сығышы менән Учалынан, ғүмере буйына тиерлек социаль өлкәлә, һуңғы 8 йылда Учалы районы хакимиәте башлығының социаль мәсьәләләр буйынса урынбаҫары вазифаһында эшләгән, ул бик дәртле етәксе, уның кандидатураһын хуплауығыҙҙы һорайым», — тип билдәләне Радий Хәбиров.

Республика башлығы 4 йыл Ҡыйғы районына етәкселек иткән Шамил Мөхәмәтдиновҡа рәхмәт белдерҙе һәм уға Салауат Юлаев орденын тапшырҙы.

«Шамил Радил улы үҙен яҡшы етәксе итеп күрһәтте, ул Өфөгә Башҡортостан Дәүләт Йыйылышы аппаратына эшкә күсә. Төньяҡ-көнсығышты үҫтереүгә етди иғтибар бүлергә, Ҡыйғы районында яңы социаль объекттар төҙөргә йыйынабыҙ. Яңы башлыҡтан, әгәр урындағы депутаттар уны хуплаһа, халыҡ менән бик ипле мөғәмәлә булыуын һорайым», — тине Радий Хәбиров.

Ҡыйғы районы советы депутаттары Зөһрә Гордиенконың кандидатураһын бер тауыштан хупланы һәм уны район хакимиәте башлығы вазифаһын башҡарыусы итеп тәғәйенләне.

http://www.bashinform.ru/news/1403827-v-bashkirii-vpervye-administratsiyu-rayona-vozglavila-zhenshchina/      

Яндекс цитирования
Рейтинг ресурсов "УралWeb"
закрыть