Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.30

EUR 69.41

25 февраль, Шишәмбе

Уфа   °

Башҡортостанда ипотека ставкаһын 3,5 процентҡа тиклем түбәнәйтеүҙәре ихтимал

Иҡтисад

ӨФӨ, 2020 йыл, 21 ғинуар. /«Башинформ» мәғлүмәт агентлығы, Розалиә Вәлиева/.

Башҡортостанда «ғаилә ипотека»һы буйынса ставканы 3,5 процентҡа тиклем түбәнәйтеүҙәре мөмкин. «Торлаҡ һатып алыу өсөн аҡса туплау» программаһын ғәмәлгә ашырыу тәртибенә үҙгәрештәр проекты әҙерләнгән. Ул уны балалы граждандар өсөн ипотека ставкаһын федераль субсидиялау программаһы менән берләштереүҙе күҙ уңында тота. Был хаҡта Башҡортостан Хөкүмәтендәге «Төҙөлөш сәғәте» кәңәшмәһендә Торлаҡ төҙөлөшөн үҫтереү фонды генераль директорының ипотека-туплау механизмдары һәм программалары буйынса урынбаҫары Евгений Декатов хәбәр итте.

Уның һүҙҙәренсә, был үҙгәрештәр граждандарҙың ошондай категорияларына ипотека кредиты буйынса ставканы 3-3,5 процентҡа тиклем түбәнәйтеү мөмкинлеге тәьмин итергә тейеш.

«Ил халҡының 42 процентының йән башына уртаса килеме — 15-35 мең һум, был ипотека кредитын хеҙмәтләндереүҙе ауырлаштыра, айырыуса тәүге иғәнә өсөн аҡса булмаған осраҡта. «Торлаҡ һатып алыу өсөн аҡса туплау» программаһында 18 йәштән өлкәндәр ҡатнаша ала. Шуның һөҙөмтәһендә  республикала вкладсыларҙың ике тапҡырға артыуы күҙәтелә — 2019 йылда 3852 кешенән 2020 йылда 7569-ға тиклем. Киләһе осорҙарға планлаштырылған бюджет финанслауы күләме (йыл һайын 235 миллион һум) бер үк ваҡытта программала 10 мең вкладсының ҡатнашыуы өсөн етә», —  тип билдәләне Евгений Декатов.

Башҡортостанда «Торлаҡ һатып алыу өсөн аҡса туплау» программаһы 2014 йылдан тормошҡа ашырыла. 2017 йылдың июненән йылына 7 процент менән беренсе ипотека кредиттарын биреү башланды, программа менән ике меңдән ашыу кеше файҙаланды.

Әлеге ваҡытта 7,5 мең кеше аҡса йыя. Башҡортостандың торлаҡ-төҙөлөш баҙарына керем суммаһы 3,5 миллиард һумға яҡынлаша.

http://www.bashinform.ru/news/1403654-v-bashkirii-mogut-snizit-ipotechnyy-protsent-do-3-5-protsentov/  

Теги: ипотека
Яндекс цитирования
Рейтинг ресурсов "УралWeb"
закрыть