Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 63.68 ↓

EUR 68.78 ↑

20 февраль, Кесе йома

Уфа   °

Өфөлә Вәлиди урамындағы буш торған биналарҙа «Сколково» IQ-парк барлыҡҡа килә

Иҡтисад

ӨФӨ, 2020 йыл, 20 ғинуар. /«Башинформ» мәғлүмәт агентлығы, Гөлфиә Акулова/.

Өфөлә йыл аҙағына тиклем Сколково төбәк операторы статусында IQ-парк барлыҡҡа килә, тип хәбәр итте Башҡортостан Республикаһының Эшҡыуарлыҡ буйынса дәүләт комитеты рәйесе Римма Бойцова хөкүмәттәге оператив кәңәшмәлә.

Уның потенциаль резиденттары әле үк «Минең бизнесым» үҙәге булышлығында статус алыу өсөн документтар әҙерләй. Сколково фонды төбәк операторы сифатында эшләү мөмкинлеге генә биреп ҡалманы, IQ-парк концепцияһын формалаштырыуға ла әүҙем ҡушылды. Ул донъяла, мәҫәлән, Сингапурҙа Fusionopolis кеүек, иң сағыу инновация проекттарының береһе булмаҡсы, тип вәғәҙәләй чиновниктар.

Ғинуар аҙағында парктың VR-концепцияһы тәҡдим ителә.

Айкью-парк Зәки Вәлиди урамында күптән буш торған 32/2-се бинала урынлаша.

Бынан тыш, ведомство башҡа инфраструктура майҙансыҡтарын булдырыу эшен алып бара, тип хәбәр итте Римма Бойцова. Полиграфкомбинат һәм НИТИГ базаһында технопарктар ойоштороу концепциялары әҙерләнә. Мәскәү Флаконы креатив кластерҙың идара итеүсе компанияһы булып сығыш яһарға ризалашты. Әлегә ошо проекттың финанс моделе һәм бизнес-планы иҫәпләнә. Чиновник һүҙҙәренсә, республикала IT белгестәр өсөн 20 коворкинг булдырылған, өс бизнес-инкубатор эшләй, һөнәрселәр өсөн креатив кластер һәм көнкүреш коворкингтары ойоштороу күҙаллана.

http://www.bashinform.ru/news/1403450-v-ufe-do-kontsa-goda-poyavitsya-iqpark-skolkovo-/        

Яндекс цитирования
Рейтинг ресурсов "УралWeb"
закрыть