Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.30

EUR 69.41

25 февраль, Шишәмбе

Уфа   °

Башҡортостанда ишле ғаиләләр ер участкалары урынына 250 мең һум аҡса алырға мөмкин

Йәмғиәт

ӨФӨ, 2020 йыл, 15 ғинуар. /«Башинформ» мәғлүмәт агентлығы/.

Шәхси торлаҡ төҙөү өсөн бушлай ер участкаһы алырға хоҡуҡлы өс йәки унан күберәк балалы, инвалид бала тәрбиәләгән граждандар ер урынына 250 мең һум күләмендә бер тапҡыр бирелә торған аҡсалата түләү алырға мөмкин.

Республика парламенты депутаттар сираттағы пленар ултырышта «Башҡортостан Республикаһында ер мөнәсәбәттәрен көйләү тураһында»ғы Башҡортостан Республикаһы Законына үҙгәрештәр индереү тураһында» тейешле закон проектын ҡарарға ниәтләй.

«Компенсация граждандарҙың ризалығы менән генә түләнә, йәғни һайлау хоҡуғы була: ер йәки аҡса, – тип аңлатма бирҙе Башҡортостан Республикаһы – Дәүләт Йыйылышы рәйесе Константин Толкачев. – Сара льгота алыусыларға уңайлы булһын өсөн тәҡдим ителде. Ҡайһы бер муниципалитеттарҙа участкалар бүлеүҙә, тейешле биләмәләрҙе инфраструктура менән тәьмин итеүҙә ҡатмарлыҡтар бар».

Кешеләр йыш ҡына ерҙе үҙҙәре теләгән урындан алмай, үҙенең участкаһында уңайлы йәшәү мөмкинлегенән мәхрүм, тип билдәләне спикер. Күптәр йорт төҙөп мәшәҡәтләнергә теләмәй йәки ундай финанс мөмкинлеге юҡ йә иһә ҡала ситендәге өйгә ҡарағанда ҡала фатирына өҫтөнлөк бирә.

«Граждандарҙың ошондай категориялары өсөн участкаға ҡарағанда аҡса алыу яҡшыраҡ булыр ине. Тейешле законды ҡабул итеү уларға шундай мөмкинлек бирә», — тине Константин Толкачев.

http://www.bashinform.ru/news/1401328-v-bashkirii-mnogodetnye-semi-smogut-poluchit-250-tysyach-rubley-vzamen-zemelnykh-uchastkov/

Яндекс цитирования
Рейтинг ресурсов "УралWeb"
закрыть