Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.30

EUR 69.41

25 февраль, Шишәмбе

Уфа   °

Республикала сүп-сар майҙансыҡтарында парковка өсөн штраф тураһында закон үҙ көсөнә инде

Йәмғиәт

ӨФӨ, 2020 йыл, 10 ғинуар. /«Башинформ» мәғлүмәт агентлығы, Гөлфиә Акулова/.

Башҡортостанда контейнер майҙансыҡтарында, ҙур габаритлы ҡалдыҡтарҙы һаҡлау өсөн майҙансыҡтарҙа, күрһәтелгән майҙансыҡтар алдында һәм сүп-сар ҡабул итеү камералары биналарына ингән ерҙә парковка өсөн штраф һалыуҙы күҙ уңында тотҡан закон үҙ көсөнә инде.

Автомобилселәр — 1-2 мең һум, вазифалы кешеләр — 5-10 мең һум, юридик берәмектәр 20-30 мең һум түләргә тейеш. Ҡабаттан боҙған өсөн граждандарға — 3-4 мең һум, вазифалы кешеләргә — 15-20 мең һум, юридик берәмектәргә — 35-50 мең һум штраф.

Закон идара итеүсе компанияларҙың, коммуналь ҡалдыҡтарҙы йыйыу һәм сығарыу менән шөғөлләнгән ойошмаларҙың республика парламентына күп һанлы мөрәжәғәттәре йомғаҡтары буйынса әҙерләнде һәм ҡабул ителде, тип билдәләне Башҡортостан Дәүләт Йыйылышы – Ҡоролтай рәйесе Константин Толкачев.

Штрафтар контейнер майҙансыҡтарын эксплуатациялау менән шөғөлләнгән, халыҡтың йәшәүен тәьмин итеү объекттарында авариялы һәм башҡа ашығыс эштәр башҡарған хеҙмәттәрҙең автомобилдәренә ҡағылмай.

http://www.bashinform.ru/news/1399601-v-bashkortostane-vstupil-v-silu-zakon-o-shtrafakh-za-parkovku-na-musornykh-ploshchadkakh/    

Яндекс цитирования
Рейтинг ресурсов "УралWeb"
закрыть