Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 76.40 ↓

EUR 82.63 ↑

7 апрель, Шишәмбе

Уфа   °

Молния

Бөтә донъя башҡорттары ҡоролтайы 14 декабрҙе Башҡорт теле көнө итеп раҫларға тәҡдим итте

Мәҙәниәт

ӨФӨ, 2019 йыл, 5 декабрь. /«Башинформ» мәғлүмәт агентлығы/.

Бөтә донъя башҡорттары ҡоролтайы башҡорт йәмәғәт ойошмалары исеменән Башҡортостан Башлығы Радий Хәбировҡа 14 декабрҙе Башҡорт теле көнө тип раҫлауҙы һораған мөрәжәғәт менән сығыш яһаны.

Был тәҡдим V Бөтә донъя башҡорттары ҡоролтайы йомғаҡтары буйынса индерелде.

Мөрәжәғәттә былай тиелә: «Бөтә донъя башҡорттары ҡоролтайы һәм Мәғариф министрлығы башланғысы менән 2016 йылдан республикала башҡорт телен һәм башҡорт халҡының мәҙәни ҡиммәттәрен һаҡлауға йүнәлтелгән саралар уҙғарыла.

Рәсми булмаған байрам 14 декабрҙә мәғрифәтсе М.Аҡмулланың тыуған көнөндә ойошторола». Хат авторҙары билдәләүенсә, «туған тел халыҡтың тарихы менән тығыҙ бәйле, уны берләштерә һәм уның үҙенсәлеклек нигеҙе булып тора: ошо телдә һөйләшеүселәр араһында өҙөлмәҫ бәйләнеш булдыра һәм халыҡ өсөн хеҙмәт итә».

Мөрәжәғәттә туған тел көндәре уларҙы яҡлауға йүнәлтелгән тип билдәләнә. ЮНЕСКО-ның 2018 йылғы «Юғала барған телдәр атласы»ына ярашлы, башҡорт теленә юғалыу хәүефе янай. Ойошмала «рәсми рәүештә башҡорт теле, республиканың дәүләт теле көнөн булдырыу, уны өйрәнеүҙе һәм ҡулланыуҙы тәьмин итеү туған телдең бәҫен күтәреүҙә һәм төбәк берҙәйлеген һаҡлауҙа мөһим аҙым булып тора» тип ышаналар.

http://www.bashinform.ru/news/1387264-vsemirnyy-kurultay-bashkir-predlozhil-utverdit-14-dekabrya-dnem-bashkirskogo-yazyka/    

Яндекс цитирования
Рейтинг ресурсов "УралWeb"
закрыть