Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 63.57 ↓

EUR 70.38 ↑

11 декабрь, Шаршамбы

Уфа   °

Башҡортостан менән Силәбе өлкәһе сигендә «Егәлгә» милли паркы булдырыла

Йәмғиәт

ӨФӨ, 2019 йыл, 20 ноябрь. /«Башинформ» мәғлүмәт агентлығы/.

Көньяҡ Уралда «Егәлгә» милли паркы булдырыла. Тейешле ҡарарға Дмитрий Медведев ҡул ҡуйҙы. Яңы объект Силәбе өлкәһенең Ҡытау-Ивановск районында, ә бер өлөшө Башҡортостан биләмәһендә урынлашҡан. Уның майҙаны — 45 мең гектар. Яңы парк ағымдағы йылда «Экология» милли проектына ярашлы ойошторолған тәүге махсус һаҡланған тәбиғәт биләмәһе була.

Рәсәй премьер-министры һүҙҙәренсә, яңы парк булдырыу Рәсәйҙә туризмды үҫтереүгә булышлыҡ итергә тейеш.

«Бында уникаль урманлы тәбиғәт комплекстары. Күп үҫемлектәр һәм йәнлектәр Ҡыҙыл китапҡа индерелгән. Был ерҙәр һәр ваҡыт туристарҙы йәлеп итә, — тине премьер. — Хәҙер унда экологик туризмды үҫтереү, йәғни бының өсөн инфраструктура, яңы эш урындары булдырыу өсөн өҫтәмә мөмкинлектәр барлыҡҡа килде».

Вице-премьер Алексей Гордеев «Егәлгә» милли паркы Көньяҡ Уралдың үҙенсәлекле тәбиғәтен, үҫемлектәр һәм йәнлектәр донъяһын һаҡлап ҡалырға ярҙам итер тип өҫтәне.

Белешмә. Егәлгә – Көньяҡ Уралда Йүрүҙән йылғаһының һул ярындағы тау һырты. Силәбе өлкәһе Ҡытау-Ивановск районының көньяҡ-көнсығышында урынлашҡан. Егәлгәнең көньяҡ сиге – Ҙур Шолом һыртының иң юғары нөктәһе (1427 метр) Башҡортостандың Белорет районында Көньяҡ Урал тәбиғәт ҡурсаулығы биләмәһендә урынлашҡан.

http://www.bashinform.ru/news/1380560-na-granitse-bashkirii-i-chelyabinskoy-oblasti-sozdaetsya-novyy-natspark-zigalga/

Яндекс цитирования
Рейтинг ресурсов "УралWeb"
закрыть