Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 62.55 ↓

EUR 69.86 ↑

14 декабрь, Шәмбе

Уфа   °

Башҡортостанда «Тамырҙарға ҡайтыу» аудиовизуаль энциклопедияһын төшөрөү тамамланды

Мәҙәниәт

ӨФӨ, 2019 йыл, 18 октябрь. /«Башинформ» мәғлүмәт агентлығы/.

Башҡортостандың ижади коллективтары һәм биҙәү-ҡулланма ижады оҫталары «Тамырҙарға ҡайтыу» аудиовизуаль энциклопедияһын төшөрөүҙә ҡатнашты.

Документаль этнографик фильм Волга буйы федераль округындағы төбәктәр һанынан – 14 видеороликтан тора. Халыҡтың мәҙәниәтен һәм кәсептәрен һаҡлауға, популярлаштырыуға йүнәлтелгән проектҡа Рәсәй Федерацияһы Президенты гранты бүленгән. Проектты «Берҙәмлек» социаль һәм мәҙәниәт-ара партнерлыҡ үҙәге менән берлектә Этник-ара журналистика гильдияһы әҙерләгән.

Августан октябргә тиклем Волга буйы федераль округының бөтә төбәктәрендә лә ошо проект төшөрөлдө. Башҡортостан был процестың иң һуңғы нөктәһе булды – республикаға проект журналистары Ырымбурҙан килде.

Башҡортостанда ижади төркөм Ейәнсура районының Иҫәнғол, шулай уҡ Архангел районының Ҡыҙыл Еҙем ауылдарында, Өфө һәм Октябрьский ҡалаларында эшләне. Проект геройҙары араһында – республиканың ижади коллективтары, кейеҙ менән эшләү традицияһын һаҡлап килгән биҙәү-ҡулланма ижады оҫталары, шулай уҡ музыкант Земфира Рәшитова.

Фильмдың исем туйы декабрҙә уҙа. Энциклопедияны төбәк телеканалдарында күрһәтеү, шулай уҡ урындағы мәҙәни һәм милли үҙәктәргә тапшырыу күҙаллана.    

http://www.bashinform.ru/news/1367624-v-bashkirii-zavershilis-semki-audiovizualnoy-entsiklopedii-vozvrashchenie-k-istokam/

Яндекс цитирования
Рейтинг ресурсов "УралWeb"
закрыть