Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.20 ↑

EUR 70.67 ↓

14 ноябрь, Кесе йома

Уфа   °

Рәсәйҙә коммуналь хеҙмәттәр өсөн берҙәм түләү ҡағыҙы индерелә

Иҡтисад

ӨФӨ, 2019 йыл, 15 октябрь. /«Башинформ» мәғлүмәт агентлығы, Галина Бахшиева/.

Рәсәй Хөкүмәте, еренә еткереп эшләнгән осраҡта, торлаҡ-коммуналь хеҙмәттәр буйынса берҙәм түләү документын индереү тураһында закон проектын хуплауы ихтимал, тип хәбәр итә «Известия».

Әгәр закон проекты ҡабул ителһә, рәсәйҙәргә барлыҡ торлаҡ-коммуналь хеҙмәттәр өсөн түләү ябайлаша. Үҙ сиратында, хөкүмәткә тарифтарҙың артыуын күҙәтеп барыу еңелләшә.

Торлаҡ сәйәсәте һәм торлаҡ-коммуналь хужалыҡ комитеты рәйесенең беренсе урынбаҫары Сергей Пахомов етәкселегендәге депутаттар проектты быйыл июнь айында уҡ индерҙе.

Эксперттар фекеренсә, берҙәм түләү ҡағыҙы идара итеүсе компанияларҙың аҡсаны урлау хәүефен кәметә һәм иҫәп-хисапты асығыраҡ күрһәтә.

Түләү ҡағыҙында түбәндәге юлдар барлыҡҡа килә: идара итеү, йортто тотоу һәм ағымдағы ремонт, коммуналь хеҙмәттәр һәм ресурстар, сүп-сар сығарыу һәм капиталь ремонт өсөн аҡса. Был документ бер юлы бер нисә бланкты алмаштыра.

Бынан тыш, закон проекты авторҙары төбәктәрҙә иҫәп-хисапты үҙәкләштереү өсөн сығыш яһаны. Шулай итеп, әлеге схема урынына түләүҙәр күрһәтеү системаһын булдырыу күҙаллана: йортта йәшәүселәргә торлаҡ-коммуналь хеҙмәттәр өсөн квитанцияларҙы идара итеүсе компаниялар, ресурстар менән тәьмин итеүселәр, банктар йәки махсус иҫәп-хисап операторҙары ебәрергә мөмкин.

http://www.bashinform.ru/news/1366342-v-rossii-vvedut-edinuyu-platezhku-za-kommunalnye-uslugi/                      

Яндекс цитирования
Рейтинг ресурсов "УралWeb"
закрыть