Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 63.76 ↓

EUR 71.16 ↓

22 октябрь, Шишәмбе

Уфа   °

Башҡортостанда Ишембай янында пляж, тау саңғыһы трассаһы һәм туристик база төҙөү күҙаллана

Иҡтисад

ӨФӨ, 2019 йыл, 20 июнь. /«Башинформ» мәғлүмәт агентлығы/.

Алдағы йылдарҙа инвестор Башҡортостандың Ишембай районында күмәкләп ял итеү зоналары ойошторорға һәм спорт-мәҙәни әһәмиәттәге комплекс төҙөргә ниәтләй. «Инвестиция сәғәте» кәңәшмәһендә республика Башлығы вазифаһын ваҡытлыса башҡарыусы Радий Хәбиров менән ошо мәсьәлә тикшерелде.

Беренсе этапта — Ишембай ҡалаһында Тәйрүк күле буйында парк, пляж зонаһы булдырыу, икенсеһендә — ҡаланың саңғы базаһы биләмәһендә тау саңғыһы трассаһы (846 метр) һәм биатлон трассаһы, өсөнсөһөндә Ишембай районының Маҡар ауылы эргәһендә «Патриот» хәрби-патриотик лагеры, «Күк-Ҡарауыҡ» туристик ауылы төҙөү күҙаллана.

«Тәйрүк» яуаплылығы сикләнгән йәмғиәте проектҡа 1,3 миллиард һум йәлеп итергә уйлай. Яҡынса 10-15 йылдан хаҡы сығырға тейеш. Компания сит ил сәйәхәтселәре өсөн туристик юлламалар ойошторорға вәғәҙәләй. Мәскәү партнерҙары менән һөйләшеүҙәр алып барыла.

«Тәйрүк» компанияһы Ишембайҙа 2017 йылда теркәлгән, өс физик берәмек исемендә һәм микропредприятие булып тора.

Башҡортостан Башлығы вазифаһын ваҡытлыса башҡарыусы Радий Хәбиров беренсе этаптың проектын хупланы.

http://www.bashinform.ru/news/1321567-v-bashkirii-planiruyut-obustroit-zonu-otdykha-gornolyzhnuyu-trassu-i-turisticheskuyu-derevnyu/

Яндекс цитирования
Рейтинг ресурсов "УралWeb"
закрыть