Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 63.97 ↑

EUR 71.71 ↑

25 апрель, Кесе йома

Уфа   °

Төбәктә талпандар уянған: ике тешләү осрағы теркәлгән

Йәмғиәт

ӨФӨ, 2019 йыл, 25 март. /«Башинформ» мәғлүмәт агентлығы, Наталья Овчарук/.

25 мартта «Башҡортостан Республикаһының Гигиена һәм эпидемиология үҙәге» лабораторияһына ике кеше талпан ҡаҙалыуға зарланып мөрәжәғәт иткән. Был хаҡта «Башинформ» агентлығына үҙәктең вирусологик тикшеренеүҙәр лабораторияһы мөдире Шамил Ибраһимов хәбәр итте.

«Бер талпанды — Туймазынан, икенсеһен Өфө районының Булгаков ҡасабаһынан килтерҙеләр, — тине лаборатория мөдире. — Бөгөн беҙ уларҙы тикшереүгә ҡуйҙыҡ, кискә бөжәктәрҙең вирус менән зарарланғанмы, юҡмы икәнлеге билдәле булырға тейеш».

Шулай уҡ кисә Өфө районының Осоргин ауылында бер кешенең үҙендә талпан табыуы тураһында билдәле булды. Ул белгестәргә мөрәжәғәт итмәгән һәм ҡан һурғыс бөжәктән ҡотола һалған.

Белгестәр әйтеүенсә, быйыл талпандар ғәҙәттәгегә ҡарағанда иртәрәк уянған. Ҡағиҙә булараҡ, бөжәктәрҙең тәүге һөжүм итеү осраҡтары апрель башында теркәлә.

2018 йылдан «Башҡортостан Республикаһының Гигиена һәм эпидемиология үҙәге» сайтында яңы система эшләй. Лабораторияға мөрәжәғәт иткән граждандарға шәхси номер бирелә, шуның ярҙамында үҙәктең рәсми сайтында һөҙөмтәләрҙе белергә мөмкин.    

http://www.bashinform.ru/news/1289023-v-bashkirii-prosnulis-kleshchi-zaregistrirovano-dva-sluchaya-ukusov/

Яндекс цитирования
Рейтинг ресурсов "УралWeb"
закрыть