Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.61

EUR 72.31

26 май, Йәкшәмбе

Уфа   °

Республикала Зәйнәб Биишева исемендәге әҙәби премиялар тапшырылды

Мәҙәниәт

ӨФӨ, 2019 йыл, 12 февраль. /«Башинформ» мәғлүмәт агентлығы, Ләйлә Аралбаева/.

Башҡортостандың Күгәрсен районында 2018 йыл өсөн Зәйнәб Биишева исемендәге әҙәби премиялар тапшырылды.

Премияға лайыҡ булыусылар: Башҡортостан Республикаһы Фәндәр академияһының мөхбир ағзаһы, филология фәндәре докторы, профессор Ғәли Сәйетбатталов (үлгәндән һуң) — З.Биишеваның исемен һәм ижадын пропагандалағаны һәм популярлаштырғаны, әҫәрҙәренең ижади үҙенсәлеген фәнни, тәрән өйрәнгәне, йәш быуынды илһөйәрлек рухында тәрбиәләгәне өсөн; педагогик хеҙмәт ветераны Ғәлиә Әлимғужина — З.Биишеваның исемен һәм ижадын пропагандалағаны һәм популярлаштырғаны, халыҡ яҙыусыһының хәтерен мәңгеләштереүгә, йәш быуынға эстетик тәрбиә биреүгә индергән өлөшө өсөн; район Мәҙәниәт һарайының бүлек мөдире Альбина Григорьева — З.Биишеваның ижадын популярлаштырыуға һәм пропагандалауға индергән өлөшө өсөн.

Лауреаттарҙы Күгәрсен районы башлығы Ғайса Янбаев, Башҡортостандың Яҙыусылар берекмәһе рәйесе Зәки Әлибаев, З.Биишева исемендәге «Китап» нәшриәте директоры Илһам Йәндәүләтов тәбрикләне.

Зәйнәб Биишева — Башҡортостандың беренсе халыҡ яҙыусыһы, прозаик, шағирә, драматург, тәржемәсе, Салауат Юлаев исемендәге дәүләт премияһы лауреаты. Уның исемендәге премия йыл һайын тапшырыла.

http://www.bashinform.ru/news/1272626-v-bashkortostane-vrucheny-literaturnoy-premii-imeni-zaynab-biishevoy-za-2018-god-/

                                

Яндекс цитирования
Рейтинг ресурсов "УралWeb"
закрыть