Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 66.92

EUR 76.07

10 декабрь, Дүшәмбе

Уфа   °

Өфөлә Башҡортостандың 100 йыллығына арналған поэмалар конкурсы еңеүселәре иғлан ителде

Мәҙәниәт

ӨФӨ, 2018 йыл, 19 ноябрь. /«Башинформ» мәғлүмәт агентлығы, Ләйлә Аралбаева/.

Өфөлә республикабыҙ ойошторолоуҙың 100 йыллығына арналған «Минең данлы Башҡортостаным!» поэмалар конкурсына йомғаҡ яһалды. Ошо уңайҙан Башҡортостандың Яҙыусылар берекмәһендә шиғриәт байрамы уҙҙы.

Конкурс еңеүсеһе тип Башҡортостандың халыҡ шағиры Рауил Бикбаев иғлан ителде. Уның «Һуңғы төн» поэмаһы күренекле башҡорт шағиры һәм йәмәғәт эшмәкәре Шәйехзада Бабич ғүмеренең һуңғы сәғәттәренә бағышланған.

Тамара Ғәниева менән Мәүлит Ямалетдиновтың поэмалары икенсе урынды алды. Өсөнсө урынды шағирҙар Лариса Абдуллина, Рита Фәтҡуллина һәм Ринат Сөләймәнов бүлеште. Мөнир Иҡсанов махсус бүләккә һәм Халыҡҡа юридик ярҙам күрһәтеү комитетынан 15 мең һумлыҡ сертификатҡа лайыҡ булды.

«Бындай бәйгене тәүгә ойошторҙоҡ. Конкурсҡа бөтәһе 30 авторҙан 40-ҡа яҡын поэма килде, — тип хәбәр итте Яҙыусылар союзы рәйесе, Башҡортостан Республикаһы Дәүләт Йыйылышы депутаты Зәки Әлибаев. — Ошондай күләмдә яңы әҫәрҙәрҙең яҙылыуы әҙәбиәтебеҙгә ҙур этәргес бирә».

Шиғриәт байрамында танылған шағирҙар, яҙыусылар, журналистар һәм башҡа ҡунаҡтар бар ине. Байрамда ҡатнашыусыларға Рәми Ғариповтың баҫылып сыҡҡан көндәлектәре тапшырылды.

http://www.bashinform.ru/news/1240164-v-ufe-obyavili-imena-pobediteley-konkursa-poem-k-100-letiyu-bashkortostana/    

Яндекс цитирования
Рейтинг ресурсов "УралWeb"
закрыть