Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 66.50 ↑

EUR 75.61 ↑

12 декабрь, Шаршамбы

Уфа   °

Башҡортостан юлдаш телевидениеһы яңы «Республика LIVE» проектын башлай

Йәмғиәт

ӨФӨ, 2018 йыл, 15 ноябрь. /«Башинформ» мәғлүмәт агентлығы/.

Башҡортостан юлдаш телеканалы яңы проект башлай: «Республика LIVE». Телевизион тапшырыуҙың тәүге сығарылышы кесаҙна, 15 ноябрҙә, киске сәғәт 10-да эфирға сыға.

Был – Башҡортостан телевидениеһы өсөн үҙенсәлекле проект. Тамашасылар тәүге тапҡыр республика етәксеһенең кадр артында ҡалған эше менән таныша ала. Ижади төркөм Башҡортостан Башлығы вазифаһын башҡарыусыны республика ҡалалары һәм райондары буйлап эш сәфәрҙәрендә оҙатып йөрөй. Ҡағиҙә булараҡ, телевидениела бындай сәфәрҙәр яңылыҡтар сығарылышында яҡтыртыла һәм бик аҙ мәғлүмәтте үҙ эсенә ала. «Республика LIVE» программаһында төбәк башлығының эше киңерәк форматта һәм икенсерәк яҡтан күрһәтелә: Радий Хәбиров халыҡ менән нисек, нимә хаҡында аралаша, урындағы чиновниктарға ниндәй бурыстар ҡуя, республика буйлап сәфәрҙән һуң ниндәй һығымталар яһай. Ошо һәм башҡа һорауҙарға республика етәксеһе проектты алып барыусы Елена Прочаковская менән аралашыу барышында яуап бирә.

«Радий Хәбиров эш башлауының тәүге көндәренән алып халыҡ менән үҙ-ара эш итеү өсөн барлыҡ аралашыу төрҙәрен файҙаланыуҙы маҡсат итеп ҡуя. Телевидение бөгөн ныҡ талап ителгән мәғлүмәт алыу ысулы булып тора. Ләкин Башҡортостан башлығы вазифаһын ваҡытлыса башҡарыусының ҙур интервью бирергә ваҡыты юҡ – урындарҙа уның иғтибарын талап иткән киҫкен мәсьәләләр байтаҡ, – тип һыҙыҡ өҫтөнә ала республика башлығының матбуғат секретары Фәнүр Йәғәфәров. – Шуның менән бергә беҙ төбәк етәксеһе менән аралашыуға ихтыяж булыуын аңлайбыҙ. Был республика халҡының социаль селтәрҙәге хәбәрҙәренең күп булыуынан да күренә. Шуға күрә «Республика LIVE» – әлеге ваҡытта иң ҡулай проект».

«Республики LIVE» тапшырыуының тәүге сығарылышы Радий Хәбировтың республиканың төньяҡ-көнсығышына сәфәренә бағышланған.

http://www.bashinform.ru/news/1238482-nelekanal-bst-zapuskaet-novyy-proekt-respublika-live/

Яндекс цитирования
Рейтинг ресурсов "УралWeb"
закрыть