Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 66.15 ↓

EUR 77.68 ↑

25 сентябрь, Шишәмбе

Уфа   °

Рөстәм Хәмитов Башҡортостан Дәүләт Йыйылышы – Ҡоролтай депутаттарын һайлауҙа ҡатнашты

Сәйәсәт

ӨФӨ, 2018 йыл, 9 сентябрь. /«Башинформ» мәғлүмәт агентлығы/.

9 сентябрҙә Өфөлә Башҡортостан Башлығы Рөстәм Хәмитов республиканың Дәүләт Йыйылышы – Ҡоролтай депутаттарын һайлауҙа ҡатнашты. Төбәк етәксеһе «Башҡортостан» дәүләт концерт залы бинаһында 109-сы һайлау участкаһында тауыш бирҙе.

— Һайлауҙар – тарихыбыҙҙың, демократияның мөһим өлөшө, — тине Рөстәм Хәмитов. — Һайлауҙар өсөн иң мөһиме – ул ғәҙеллек, асыҡлыҡ һәм конкурентлыҡ. Минеңсә, һайлау алды кампанияһы был йәһәттән лайыҡлы уҙҙы.

Башҡортостан Башлығы республика тормошонда Башҡортостан Республикаһы Дәүләт Йыйылышы – Ҡоролтайҙың мөһим ролен билдәләне. Парламентарийҙар төбәк бюджеты, Мотлаҡ медицина страховкалау фонды бюджеты, юл төҙөлөшөнә ресурстар бүлеү, хеҙмәт ветерандарына льготалар биреү менән бәйле һәм башҡа мәсьәләләрҙе хәл итә.

- Халҡыбыҙ һайлауҙар, Дәүләт Йыйылышы – Ҡоролтай составын ойоштороу аша ошондай мөһим мәсьәләләрҙе хәл итеүҙә ҡатнаша. Шуға бөгөн республикала йәшәүселәр аңлы рәүештә эш итер, тулыһынса етди сығып ҡарар һәм, әлбиттә, һайлау участкаларына килер тип уйлайым, — тип һыҙыҡ өҫтөнә алды төбәк етәксеһе. — Дәүләт Йыйылышының яңырыуын беләм һәм күрәм, сөнки бөгөнгө көнгә тиклем эшләүсе депутаттарҙың байтаҡ өлөшө һайлауҙарҙа ҡатнашмай, яңы, йәш йөҙҙәр күренә. Миңә парламентыбыҙ үҙенсәлекле, яңы идеялар тыуҙыра алырлыҡ булыр кеүек тойола. Иң мөһиме, республикала йәшәүселәр мәнфәғәтенә эшләү.

http://www.bashinform.ru/news/1207794-rustem-khamitov-prinyal-uchastie-v-vyborakh-deputatov-gossobraniya-kurultaya-bashkortostana/

Яндекс цитирования
Рейтинг ресурсов "УралWeb"
закрыть