Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 66.87 ↓

EUR 76.18 ↓

18 август, Шәмбе

Уфа   °

Стәрлетамаҡ мәктәбенә һөжүм иткән үҫмерҙе тикшереү өсөн Мәскәүгә ебәрәләр

Хәл-ваҡиғалар

ӨФӨ, 2018 йыл, 16 июль. /«Башинформ» мәғлүмәт агентлығы, Әлфиә Әғлиуллина/.

Стәрлетамаҡта урындағы мәктәптәрҙең береһендә класташтарына һәм уҡытыусыһына бысаҡ менән ташланған үҫмерҙе тәфтишселәр Мәскәүгә ебәрә. «Тикшереү аҫтындағы кешене берҙәйлеккә психиатрия тикшереүе уҙғарыу өсөн Мәскәүгә ебәрәләр. Малайҙы Сербский исемендәге милли психиатрия һәм наркология медицина тикшеренеүе үҙәге белгестәре ҡараясаҡ», — тип хәбәр итте «РИА Яңылыҡтар» агентлығына Рәсәй Тәфтиш комитетының төбәк буйынса тәфтиш идаралығы вәкиле.

18 апрелдә иртән коррекция мәктәбе уҡыусыһы класташтары ултырған информатика кабинетына инеп, үҙе менән килтергән бысаҡ менән бер уҡыусының ҡулын киҫкән, уҡытыусыны сәнскән. Һуңынан яныусан матдәне һибеп, ут тоҡандырған һәм үҙен яралаған. Янғындан бер кем дә зыян күрмәгән. Янғын сигнализацияһы эшләгәс, икенсе ҡаттағы кластарҙың береһенән уҡыусы ҡыҙ ҡурҡышынан тәҙрәнән һикергән. Үҫмерҙе һәм зыян күреүселәрҙе дауаханаға оҙатҡандар. 20 апрелдә иртән бөтәһен дә дөйөм палаталарға күсергәндәр.

Башҡортостандың Тәфтиш комитеты ваҡиға буйынса «Ике һәм унан күберәк кешене үлтермәксе булыу» һәм «Иғтибарһыҙлыҡ» статьялары буйынса ике енәйәт эше ҡуҙғатҡан. Стәрлетамаҡтағы хәл быйыл Рәсәйҙә һигеҙенсе оҡшаш осраҡ булды.

http://www.bashinform.ru/news/1186656-podrostka-napavshego-na-shkolu-v-sterlitamake-etapiruyut-v-moskvu-dlya-ekspertizy/

Яндекс цитирования
Рейтинг ресурсов "УралWeb"
закрыть