Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 62.43 ↑

EUR 73.24 ↓

18 июль, Шаршамбы

Уфа   °

Башҡортостанда «Урал батыр» эпосын башҡарыусыларҙың һәм йәш сәсәндәрҙең конкурсы уҙа

Йәмғиәт

ӨФӨ, 2018 йыл, 25 июнь. /«Башинформ» мәғлүмәт агентлығы, Ғәлиә Нәбиева/.

Бөрйән районының «Ағиҙел» һауыҡтырыу-тәрбиә биреү лагерында 28 июндә «Урал батыр» эпосын башҡарыусыларҙың һәм йәш сәсәндәрҙең конкурсы уҙа. Конкурс ҡобайыр, эпостар башҡарыусылар мәктәбен тергеҙеү һәм үҫтереү, башҡорт халҡының тарихи һәм мәҙәни мираҫына ҡарата һаҡсыл мөнәсәбәт тәрбиәләү, башҡорт халыҡ ижадының иң яҡшы өлгөләрен һаҡлау һәм таратыу маҡсатында йыл һайын уҙғарылып килә.

Мәғариф министрлығында аңлатыуҙарынса, 2018 йылда конкурс 20-се тапҡыр уҙғарыла. Ошо йылдарҙа конкурста 1500-ҙән ашыу бала һәм 532 фольклор коллективы ҡатнашты.

Конкурстың республика этабы 2 турҙан тора. Унда ҡатнашыусылар беренсе турҙа «Урал батыр» эпосын яттан һөйләй, ә икенсеһендә фольклор коллективтар эпос йәки башҡа эпик хикәйәт өҙөгөн сәхнәләштерә.

Конкурстың республика этабында Башҡортостандағы мунициль район һәм ҡала округтары дөйөм белем биреү ойошмаларынан 56 уҡыусы һәм 25 фольклор коллективы сығыш яһай.

http://www.bashinform.ru/news/1177468-v-bashkirii-proydet-konkurs-yunykh-skaziteley-i-ispolniteley-epicheskogo-skazaniya-ural-batyr-/

Яндекс цитирования
Рейтинг ресурсов "УралWeb"
закрыть