Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 66.50 ↑

EUR 75.61 ↑

12 декабрь, Шаршамбы

Уфа   °

Рөстәм Хәмитов Петербург халыҡ-ара иҡтисади форумында Башҡортостан делегацияһын етәкләй

Иҡтисад

ӨФӨ, 2018 йыл, 24 май. /«Башинформ» мәғлүмәт агентлығы/.

Башҡортостан Башлығы Рөстәм Хәмитов XXII Петербург халыҡ-ара иҡтисади форумында республиканың рәсми делегацияһын етәкләй. Форум 24-26 майҙа уҙа.

Республика етәксеһе форумдың пленар ултырышында, энергетик панель сессияла ҡатнаша, шулай уҡ «Рәсәй төбәктәре экспорты – яңы сиктәрҙе артылып» эшлекле фекер алышыуҙа сығыш яһай.

Форум барышында ҙур компаниялар, сәнәғәт предприятиелары, ойошмалар менән хеҙмәттәшлек тураһында килешеүҙәргә һәм инвестиция килешеүҙәренә ҡул ҡуйыу күҙаллана.

Делегацияның эш программаһында эшлекле осрашыуҙар, панель сессиялар, милли проекттарҙы бойомға ашырыу, Рәсәй субъекттарының инвестиция йәлеп итеү ҡеүәһен арттырыу, яңы дәүләт идараһы механизмдарын индереү, технологик яҡтан үҫеште тәьмин итеү өсөн фән ҡаҙаныштарын файҙаланыу кеүек төбәктәрҙе социаль-иҡтисади үҫтереүҙең мөһим мәсьәләләре буйынса түңәрәк өҫтәлдәрҙә ҡатнашыу ҡаралған.

Хәтерегеҙгә төшөрәбеҙ, Петербург халыҡ-ара иҡтисади форумы 1997 йылдан ойошторола. 2006 йылдан Рәсәй Федерацияһы Президенты патронаты аҫтында уҙа. Егерме йыл эсендә форум эшлекле даирә вәкилдәренең аралашыуы, Рәсәй, үҫешеүсе баҙарҙар һәм донъя алдында торған төп иҡтисади мәсьәләләрҙе тикшереү өсөн алдынғы донъя майҙансығына әүерелде.

http://www.bashinform.ru/news/1162986-rustem-khamitov-vozglavil-delegatsiyu-bashkortostana-na-peterburgskom-mezhdunarodnom-ekonomicheskom-/

Яндекс цитирования
Рейтинг ресурсов "УралWeb"
закрыть