Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 61.40 ↓

EUR 72.00 ↑

25 май, Йома

Уфа   °

Башҡортостан Хөкүмәте ҡарамағында Стратегик комитет ойоштороласаҡ

Сәйәсәт

ӨФӨ, 2018 йыл, 18 апрель. /«Башинформ» мәғлүмәт агентлығы, Галина Бахшиева/.

Башҡортостан Хөкүмәте ҡарамағында яңы координация органы — Стратегик комитет ойоштороу күҙаллана.

Республика Хөкүмәте ултырышында Премьер-министр урынбаҫары — ер һәм мөлкәт мөнәсәбәттәре министры Евгений Гурьев хәбәр итеүенсә, проекттың төп маҡсаты — ведомство-ара коллегиаль орган структураларын оптималләштереү һәм Башҡортостандың социаль-иҡтисади үҫеш мәсьәләләрендә комплекслы алым булдырыу.

Стратегик комитет бурыстарына стратегик планлаштырыу, прогноз яһау, бюджетты күҙаллау һәм республиканың йылдам социаль-иҡтисади үҫешен тәьмин итеү өлкәһе эшмәкәрлеге инәсәк.

Бынан тыш, 2030 йылға тиклем Үҫеш стратегияһын һәм 2018 йылға республиканың комплекслы йылдам социаль-иҡтисади үҫеш планын ғәмәлгә ашырыу буйынса саралар планын әҙерләү комитеттың төп бурыстарына керә, тип өҫтәнеләр төбәктең Иҡтисади үҫеш министрлығының матбуғат хеҙмәтендә.

Стратегик комитетта Башҡортостан Хөкүмәте ағзалары, бер төркөм федераль башҡарма власть органдарының территориаль структуралары һәм республика предприятиелары вәкилдәре буласаҡ.

Башҡортостандың Иҡтисади үҫеш министрлығы һәм Финанс министрлығы Комитет эшмәкәрлеген ойоштороуҙы үҙ өҫтөнә аласаҡ.

http://www.bashinform.ru/news/1145560-pri-pravitelstve-bashkirii-sozdadut-strategicheskiy-komitet/

Яндекс цитирования
Рейтинг ресурсов "УралWeb"
закрыть