Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 61.66 ↓

EUR 75.21 ↑

25 апрель, Шаршамбы

Уфа   °

Журналистар «Һылыуҡай-2018» матурлыҡ конкурсында «Матбуғат сибәре»н һайланы

Мәҙәниәт

ӨФӨ, 2018 йыл, 21 март. /«Башинформ» мәғлүмәт агентлығы, Ләйлә Аралбаева/.

Өфөлә республика баҫмалары журналистары «Һылыуҡай-2018» республика телевизион гүзәллек бәйгеһендә ҡатнашыусылар менән осрашты. «Азимут» отеленең конференциялар залына 12 ҡыҙ, жюри ағзалары, бағыусыларҙың вәкилдәре йыйылды. Матбуғат конференцияһында журналистар «Матбуғат сибәре» өсөн тауыш бирҙе.

Тауыш биреү һөҙөмтәләре һәм бөтә номинацияларҙа еңеүселәрҙең исемдәре 23 мартта «Башҡортостан» дәүләт концерт залында иғлан ителә. Иң сибәр башҡорт ҡыҙына таж һәм төп бүләк — «Лада Гранта» автомобиле асҡысы тапшырыла.

«Беҙ финалдың шоу кеүек үтеүен теләр инек, донъялағы матурлыҡ конкурстары һәм «Рәсәй һылыуҡайы» бөтә Рәсәй конкурсы кеүек үк, этаптарҙың бер өлөшөн финалдан тыш ойошторҙоҡ, — тип хәбәр итте «Bashkirian Beauty» студияһы директоры Линара Таһирова. — Төп этаптарҙың береһе — мәҙәни йәмәғәтселек вәкилдәре менән аралашыу айырым уҙҙы».

Конкурста Өфө, Мәскәү ҡалаларынан, Әлшәй, Ауырғазы, Балаҡатай, Бишбүләк, Бөрйән, Ейәнсура, Ҡыйғы, Көйөргәҙе райондарынан 16-24 йәшлек һылыуҙар ҡатнаша. Араларында мәктәп уҡыусылары, студенттар һәм эшләп йөрөгән ҡыҙҙар ҙа бар. Улар киләсәктә үҙҙәрен эколог, уҡытыусы, табип һәм хатта ресторатор итеп күрә.

Бәйге 21 февралдә башланды һәм бер ай эсендә ҡыҙҙар Шүлгәнташ мәмерйәһендә, Республика перинаталь үҙәгендә булып, оҫталыҡ дәрестәре алып ҡына түгел, үҙ-ара дуҫлашып та өлгөрҙө. Иң иҫтә ҡалғаны бассейнда һыу аҫтында һәм ҡышҡы тауҙарҙа фотоға төшөү булған.

«Миңә перинаталь үҙәктә бик оҡшаны, сөнки беҙ унда балалар өсөн гимнастика яһарға өйрәндек», — тине Азалия Заһитова.

Ойоштороусылар — Башҡортостандың Мәҙәниәт министрлығы, Республика халыҡ ижады үҙәге, «Башҡортостан» ТРК ДУП-һы, «Bashkirian Beauty» студияһы.

http://www.bashinform.ru/news/1132095-v-ufe-na-konkurse-krasoty-khylyukay-2018-zhurnalisty-vybrali-miss-pressa/

Яндекс цитирования
Рейтинг ресурсов "УралWeb"
закрыть