Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 68.22 ↑

EUR 77.65 ↓

14 август, Шишәмбе

Уфа   °

Республикала 37 ваҡытлыса һайлау участкаһы ойошторола

Сәйәсәт

ӨФӨ, 2018 йыл, 16 ғинуар. /«Башинформ» мәғлүмәт агентлығы, Ғәлиә Нәбиева/.

Башҡортостанда Рәсәй Президентын һайлауҙа халыҡтың ваҡытлыса килеү урындарында 37 участка ойошторола. Был турала ҡарар төбәктең Үҙәк һайлау комиссияһы ултырышында ҡабул ителде.

Өфөлә, Стәрлетамаҡта һәм Дүртөйлө районында дауаханаларҙа, шифаханаларҙа, бала табыу йорттарында, тәфтиш изоляторҙарында ваҡытлыса участкалар асыла.

18 мартта Рәсәй Президентын һайлау көнөндә юлда булған рәсәйҙәр тимер юл вокзалдарында, шулай уҡ 25 аэропортта ойошторолған һайлау участкаларында тауыш бирә ала, тип хәбәр итә «РИА Новости» агентлығы Рәсәйҙең Үҙәк һайлау комиссияһы рәйесе урынбаҫары Николай Булаевҡа һылтанып.

Һайлаусыларҙың ваҡытлыса килеү урындарында һайлау участкаларының дөйөм һаны әле 2326 тәшкил итә, был һандың бер аҙ ғына үҙгәреүе мөмкин.

Һайлау участкалары 16 ғинуарҙан, ҡайһы бер осраҡтарҙа ғына 14 марттан да һуңға ҡалмайынса ойошторолорға мөмкин. Һүҙ дауаханаларҙа, шифаханаларҙа, ял йорттарында, вокзалдарҙа, аэропорттарҙа, шулай уҡ ғәйепләнеүселәр һаҡ аҫтында тотолған урындарҙа һайлау участкалары хаҡында бара.

Рәсәй Федерацияһы Президентын һайлау 18 мартта уҙа, 2018 йылдың 18 декабрендә рәсми рәүештә һайлау кампанияһы башланды.

http://www.bashinform.ru/news/1104344-v-bashkirii-budet-organizovano-37-vremennykh-izbiratelnykh-uchastkov/

Яндекс цитирования
Рейтинг ресурсов "УралWeb"
закрыть