Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 64.12 ↑

EUR 70.60 ↑

18 сентябрь, Шаршамбы

Уфа   °

Башҡортостанда бер ир табын артында ике ҡатынды сәнсеп үлтергән, тағы ике кешене йәрәхәтләгән

Хәл-ваҡиғалар

ӨФӨ, 2017 йыл, 27 ноябрь. /«Башинформ» мәғлүмәт агентлығы, Ксения Калинина/.

24 ноябргә ҡарай төндә полицияға Иглин районының Иҫке Ҡобау ауылындағы өйҙәрҙең береһендә 79 йәшлек йорт хужабикәһенең һәм 30 йәшлек ҡатындың бысаҡ менән йәрәхәтләнгән кәүҙәләре табылыуы тураһында хәбәр итәләр. Ошонда уҡ хужабикәнең 45 йәшлек ҡыҙын һәм 38 йәшлек ирҙе табалар. Улар ҙа яраланған.

Тәфтиш органдары «ике һәм унан да күберәк кешене үлтереү» статьяһы буйынса енәйәт эше ҡуҙғатты. Тәфтишселәр фаразы буйынса, был көндә йортта эске мәжлесе була. Бәхәс ваҡытында 31 йәшлек ир хаҡлы ялдағы ҡатынға, һуңынан өйҙәге башҡа кешеләргә — 30 һәм 45 йәшлек ҡатындарға, шулай уҡ 38 йәшлек иргә бысаҡ менән сәнсә. Йорт хужабикәһе һәм уның ҡунағы фажиғә урынында уҡ йән бирә, ә 45 йәшлек ҡатын һәм 38 йәшлек ир төрлө тән йәрәхәте менән дауаханаға оҙатыла.

«Рәсәй Эске эштәр министрлығының Иглин районы буйынса бүлегенең оператив хеҙмәткәрҙәре менән берлектә тикшереү барышында ғәйепләнеүсе ҡулға алынды. Ул үҙ ғәйебен таныны», — тип аңлатма бирҙеләр Рәсәйҙең Башҡортостан буйынса Тәфтиш комитетының матбуғат хеҙмәтендә.

Әле ваҡиғаның сәбәптәре асыҡлана.

Яндекс цитирования
Рейтинг ресурсов "УралWeb"
закрыть